تسجيل مولود جديد بدفتر الحالة المدنية

تسجيل مولود جديد بدفتر الحالة المدنية

‎محمد ‏شريف    تعليق   

 

أولا مبروك عليك المولود الجديد ،

الوقت لي تولد الزوجة المولود ديالها ، فأول إجراء غادي تديرو : تاخد شهادة الولادة من المستشفى أو المصحة الخاصة لي ولدات فيها

من بعد ملي كيتجاوز عمر المولود 10 ايام حسب الحالة الصحية ديالو كتديه للمستشفى باش يدير اللقاح { الجلبة }

ملحوظة : إذا كان لا قدر الله الطبيب قال ليكل بأن المولود ماغاديش يقدر يتحمل اللقاح قبل 30 يوم { الجلبة } فيمكن ليك تسجلو بدون جلبة باش متفوتش 30 يوم القانونية .

* من بعد كتجمع الوثائق التالية :

- بطاقة التعريف الوطنية للأب { لاكارط }

- بطاقة التعريف الوطنية للأم { لاكارط }

- عقد الازدياد أو نسخة كاملة للأب { وحدة منهم } إذا مكانش عندك الدفتر العائلي

- عقد الازدياد أو نسخة كاملة للأم { وحدة منهم } إذا مكانش عندك الدفتر العائلي

- عقد الزواج مصادق عليه - أو { ثبوت الزوجية أو اقرار بالبنوة بالنسبة للناس لي معندهمش عقد الزواج }

- الدفتر العائلي { كناش الحالة المدنية } " إذا مكانش عندك ممكن تسجل المولود من دونه "

- بطاقة التعريف الوطنية للمصرح مصادق عليها { إذا كان شخص آخر من غير الأب و الأم هو لي غادي يصرح بالولادة }

الأشخاص لي من حقهم يصرحوا بالمولود : الأب – الأم – الأخ – الاخت – ابن الأخ – بنت الأخ - وصي الأب –وكيل

* من بعد ما غادي تجمع هذه الوثائق غادي تمشي لمكتب الحالة المدنية لي تابع ليه المستشفى فين ولدات الزوجة { ماشي مكتب الحالة المدنية ديال الحي } وتسلم للموظف هذا الوثائق اللي تكلمنا عليها

تحــــذير : خاصك تصرح بالمولود ديالك قبل مرور 30 يوم من يوم الولادة { لأنه في حالة تجازوتي 30 يوم غادي تظطر تمشي للمحكمة باش تسجل المولود }

مدة الإنجاز : قانونيا ممكن تاخد في نفس اليوم { لكن كيكونو إكراهات عند الموظفين مع كثرة المهام وقلة الموظفين أحيانا فيمكن للموظف يسلم ليك الوثائق بعد بضعة أيام }

إذا كان شخص آخر من غير لي ذكرنا يمكن لو يصرح بوكالة

 

 

 

انجاز الدفتر العائلي ( كناش التعريف والحالة المدنية )

انجاز الدفتر العائلي ( كناش التعريف والحالة المدنية )

‎محمد ‏شريف    تعليق   

 

اخي الكريم نتا مواطن مغربي وبغيتي تنجز الدفتر العائلي متزوج بزوجة واحدة ما عليك إلا تجمع الوثائق التالية :

*عقد الزواج ( او عقد النكاح ) او ثبوت الزوجية

*نسخة كاملة ديال الزوجة لي معروفةفي بعض المناطق باسم [ الكروج – الجدر] ( كتجيبها من الجماعة أو المقاطعة لي مسجلة فيها عند الولادة وكتاخد منها عقد الازدياد ) تكون مكيتجاوزش المدة باش تسلمتيها 90 يوم

+هذه الوثيقة تؤخد فقط من مكتب الحالة المدنية لي مسجلة فيه لا غير

*نسخة كاملة للزوج كذلك كياخدها من المكان لي مسجل فيه عند الولادة اي المكان لي غادي ياخد منه الدفتر العائلي

*صورتان شمسيان حديثتان للزوج ( يعني 2 صور للزوج مكيتجاوزوش العمر ديالهم 6 اشهر)

*نسخة من بطاقة التعريف الوطنية مصادق عليها لكل من الزوج و الزوجة ( يعني صورة من لكارط ليكاليزي في مصلحة تصحيح الامضاء للزوج والزوجة )

*50 درهم واجب التنبر ( التنبر لي كيكون لاصق في الصفحة الاولى من الدفتر العائلي )

 

للتذكير بالوثائق :

نسخة من عقد الزواج

*نسخة كاملة من رسم الولاد للزوج

*نسخة كاملة من رسم الولادة للزوجة

*نسخة من بطاقة التعريف الوطنية مصادق عليها للزوج

*نسخة من بطاقة التعريف الوطنية مصادق عليها للزوجة

*صورتان شمسيتان للزوج

*50 درهم للتنبر

*طلب للسيد ضابط الحالة المدنية

في حالة كان الزوج متزوج بأكثر من زوجة يكفي انه يضيف للوثائق لي ذكرنا عقد الزواج مع كل زوجة و نسخة كاملة لكل واحدة و بطاقة التعريف الوطنية مصادق عليها .

لازم على الزوج يجمع هذه الوثائق ويتوجه لمكتب الحالة المدنية في مسجل هو و كياخد عقود الازدياد الخضرين و تسلمهم للموظف المكلف .هذا هو المكان الوحيد لي ممكن يسلمك الدفتر العائلي

--) في حالة غياب الزوج لاي سبب يمكن لو يدير وكالة لشخص آخر يقوم مقامه في انجازالدفتر العائلي

النمودج لي غادين تحتاجو :   تحميل الطلب